Mixeil Saakaşvili həbsxanadan bəyanat yaydı

"Mənə görə narahat olmayın, indi əsas birlik və həlledici hücuma hazırlıqdır, bu hücumun vaxtı tezliklə gələcək".

InterPress.ge xəbər verir ki, bu sözlər Gürcüstanın keçmiş prezidentinin “Facebook”səhifəsində yayılan yazısında qeyd olunub.

“Nə edirlərsə etsinlər, mən bunlardan qorxmuram. Əksinə, döyüş ruhum, qələbəyə inamım artır. Mənə görə narahat olmayın! İndi əsas olan birlik və həlledici hücuma hazırlıqdır. Bu hücumun vaxtı tezliklə gələcək.

Mənə gəlincə, Qorinin “reabilitasiyası” zamanı aldığım travmalardan tezliklə sağalacağam və daha da enerjili olacağam, amma yenə də çox güclü və nikbinəm”, - Mixeil Saakaşvilinin Facebook-dakı paylaşımında deyilir.