Son 24 saat ərzində ölkə üzrə koronavirusa yoluxanların sayı açıqlandı

Gürcüstanda yeni növ koronavirusa (COVID-19) son 24 saat ərzində 943 yeni yoluxma halı qeydə alınıb.

InterPress.ge xəbər verir ki, bu barədə məlumatı Milli Xəstəliklərə Nəzarət Mərkəzi yayıb.

Bununla da ölkədə virusa yoluxanların ümumi sayı 938 583 nəfərə çatıb.

Sağalanların sayına gəldikdə isə, ölkədə son 24 saat ərzində 2 789 sağalma qeydə alınaraq ümumi sağalanların sayı 902 948 nəfər təşkil edib.

Eyni zamanda bildirilir ki, bu gün koronavirusdan daha 37 nəfər ölüb və ölənlərin ümumi sayı 13 942 nəfər təşkil edib.