2021-ci ildə dünyada 55 jurnalist öldürülüb

2021-ci ildə 55 jurnalist və media işçisi vəzifə borcunu yerinə yetirərkən ölüb.

InterPress.ge xəbər verir ki, bu barədə UNESCO-nun hesabatında qeyd olunub.

“2021-ci ildə həqiqəti söyləmək bir çox jurnalistə baha başa gəldi”, - UNESCO baş direktoru Odri Azule deyib.

O vurğulayıb ki, bu gün pandemiya və iqtisadi təlatümlər dövründə dünyanın hər zamankından daha çox müstəqil və həqiqətə uyğun informasiyaya ehtiyacı var. 

Jurnalistlərin əksəriyyəti 2021-ci ildə iki regionda öldürülüb - Asiya-Sakit okean regionunda 23 jurnalist, Latın Amerikası və Karib hövzəsində isə 14 jurnalist öldürülüb.

UNESCO-dan verilən məlumata görə, 2006-cı ildən bu günə qədər jurnalist qətllərinin 87 faizinin üstü açılmamış qalır.