Bu gün Mixeil Saakaşvilinin cinayət işi üzrə məhkəmə prosesi keçiriləcək

Bu gün Gürcüstanın dövlət sərhədini qanunsuz keçməkdə təqsirləndirilən sabiq prezident Mixeil Saakaşvilinin cinayət işi üzrə məhkəmə prosesi keçiriləcək.

InterPress.ge xəbər verir ki, məhkəmə Tbilisi Şəhər Məhkəməsində saat 13:00-a təyin edilib.

İclasda təqsirləndirilən şəxs Mixeil Saakaşvilinin özü də iştirak edəcək.

Xatırladaq ki, Mixeil Saakaşvilinin sərhədi qanunsuz keçməsi faktı ilə bağlı istintaq oktyabrın 1-dən başlayıb. İş üzrə daha 4 nəfər - Elquca Tsomaia, Zurab və Şalva Tsotsoria və Qiorqi Narimanidze ittiham olunub və onların məhkəmələri ayrı-ayrılıqda keçirilir.

Adıçəkilən şəxslər təqsirli olduqlarını etiraf ediblər.