Kutaisi meriyasının "Parkinq xidməti"nin əməkdaşı döyüldü

Kutaisi meriyasının “Parkinq xidməti”nin əməkdaşı döyülüb.

InterPress.ge xəbər verir ki, hadisə Varlamişvili küçəsində baş verib.

Məlumata görə, naməlum şəxs cəriməyə etiraz edərək şirkətin əməkdaşına hücum edib.

O, sifətindən xəsarətlər alıb və klinikaya aparılıb. “Parkinq xidməti” bildirib ki, onların işçisi parkinq zonasında işləyib və qanuni şəkildə cərimələyib, lakin orada dəqiq nə baş verdiyi onlara məlum deyil.

Hadisə yerinə patrul polisi cəlb olunub. Faktla bağlı araşdırmalara başlanılıb.