Ailənin zəhərlənərək dünyasını dəyişməsi ilə bağlı yeni detallar üzə çıxdı

Qldanidə təbii qazdan zəhərlənmə nəticəsində dünyasını dəyişən ailənin yaxınlarının verdiyi məlumata görə, hadisə təxminən 3 gün əvvəl baş verib və onlar bu gün mənzildə tapılıb.

InterPress.ge xəbər verir ki, ailənin qohumunun verdiyi məlumata görə, dünyasını dəyişən cütlüyün yaşı 30-dan aşağı olub, onların övladlarından biri məktəbli, ikisi isə ondan kiçik olub.

"Mən bu ailənin yaxınıyam. Keçən həftə qohumum mənimlə görüşdü - dedi ki, biz Qldaniyə kirayə evə köçürük, hökumət bizə 300 lari verir və biz də 200 lari əlavə edib kirayə pulunu verəcəyik. Burada daha yaxşı şərait var. Eşitdiyimə görə qəza 3 gün əvvəl olub"- ailənin yaxını qeyd edir.