İranda koronavirusla bağlı son vəziyyət

İranda son sutka ərzində daha 70 nəfər koronavirusun qurbanı olub.

InterPress.ge “RİA Novosti”yə istinadən bildirir ki, bunu ölkənin Səhiyyə Nazirliyinin rəsmi nümayəndəsi Kianuş Cahanpur “IRINN” telekanalının efirində deyib. Onun sözlərinə görə, İranda koronavirus qurbanlarının sayı 8 351-ə yüksəlib.

Nazirlik nümayəndəsi qeyd edib ki, son sutka ərzində 2 043 nəfərdə koronavirus aşkarlanıb. Bununla da koronavirusa yoluxanların ümumi sayı 173 832-yə yüksəlib. Onlardan 2 619-nun vəziyyəti ağır qiymətləndirilir.

Cahanpur əlavə edib ki, indiyədək 136 360 pasiyent sağalıb və xəstəxanalardan evə buraxılıb.