Kəndə girib 38 nəfəri öldürdülər

Qərbi Afrika İslam Dövləti" terror qruplaşmasının silahlıları Nigeriyanın şimal-şərqindəki Qoni-Usmanti kəndinə hücum edərək 38 nəfəri öldürüb

bu barədə Fransa Presse agentliyi yerli hakimiyyət orqanlarına istinadən məlumat yayıb.

Yerli polisin rəhbəri Babakura Kolo bildirib ki, ölənlər arasında terrorçularla sona qədər vuruşan 6 polis var.

O qeyd edib ki, terrorçular iyunun 13-də Qoni-Usmanti kəndinə girərək, bazara atəşə tutub, daha sonra insanlarla dolu yük maşınını yandırıb. Babakura Kolo bu baxımdan qurbanların arta biləcəyini söyləyib.

Yerli sakinlər kəndə hücumdan bir neçə saat sonra yaraqlıların 60 km məsafədə yerləşən Monquno şəhərinə hücum edərək 15 nəfərin öldüyünü iddia edir.

Polis əməkdaşı Bukar Arinin sözlərinə görə Monqunoda 9 yaraqlı və bir polis ölüb: "Yerli sakinlərdən də ölən olub".