Ağır yol qəzası can aldı

Tsalenjixa bələdiyyəsində (Samegrelo-Zemo Svaneti bölgəsi) baş verən qəzada bir nəfər ölüb, üç nəfər yaralanıb.

InterPress.ge xəbər verir ki, bu barədə yerli Atinati radiosu məlumat yayıb.

Qəza, dünən Mikava kəndi yaxınlığında baş verib. İlkin məlumata görə, sürücü idarəetməni itirib - avtomobil yoldan çıxaraq dirəyə çırpılıb.

Mikava kəndində rayon merinin nümayəndəsi Tamaz Gvindzhiliya jurnalistlərə açıqlamasında avtomobildə dörd nəfərin olduğunu deyib. Sürücünün yanında oturan təxminən 50 yaşlarındakı bir qadın aldığı xəsarətlər nəticəsində həyatını itirib.

Zərərçəkənlər arasında Zuqdidi xəstəxanasına köçürülmüş 9 yaşlı bir uşaq da var. Qəzadan sonra daha iki nəfər Tsalenjixa klinikasına yerləşdirilib.