Çexiya Ukraynaya ağır hərbi texnika verəcək

Çexiya Ukraynaya ağır hərbi texnika verəcək. 

InterPress.ge xəbər verir ki, bu barədə məlumatı Çexiyanın müdafiə naziri Yana Çernoxova yayıb.

“Təhlükəsizlik mülahizələrinə” əsaslanaraq, nazir söhbətin hansı silahdan getdiyini açıqlamayıb və qeyd edib ki, Ukrayna tərəfi gətirilən texnikanı ictimaiyyətə açıqlamaq istəmir, baxmayaraq ki, o, söhbətin yaxın və uzaq məsafəli silah və sursatdan, ağır texnikadan getdiyini əlavə edib.

Fevralın 24-də Rusiyanın Ukraynaya müdaxiləsindən sonra Çexiya Ukraynaya 47 milyard kron (təxminən 2 milyard avro) dəyərində hərbi yardım göndərib. Bu məqsədlə dövlət büdcəsindən 4,2 milyard kron (təxminən 190 milyon avro) ayrılıb. Pulun qalan hissəsi şirkətlər tərəfindən ayrılıb və respublika sakinlərindən ianə kimi alınıb.