Cozef Borrell: "Etiraf etməliyəm ki, amerikalılar bizə Rusiyanın Ukraynaya hücum edəcəyini deyəndə biz buna inanmaq istəmədik"

"Etiraf etməliyəm ki, amerikalılar bizə Rusiyanın Ukraynaya hücum edəcəyini deyəndə biz buna inanmaq istəmədik".

InterPress.ge xəbər verir ki, bunu Aİ-nin xarici siyasət və təhlükəsizlik siyasəti üzrə ali nümayəndəsi Cozef Borrell Brüsseldəki görüş zamanı deyib.

Onun sözlərinə görə, Ukraynanın Rusiyaya necə təsirli müqavimət göstərəcəyini təsəvvür edə bilmirdilər.

“Ukraynada müharibə davam edir. Biz Ukraynanın necə təsirli müqavimət göstərəcəyini təsəvvür edə bilməzdik və müharibənin olacağına inanmırdıq. Etiraf etməliyəm ki, amerikalılar bizə onların hücum edəcəklərini deyəndə inanmaq istəmədik”, - Borrell bildirib.

Onun sözlərinə görə, müharibə başlamazdan əvvəl ABŞ dövlət katibi ona zəng edərək həftənin sonunda Rusiyanın hücuma keçəcəyini deyib.

“Və iki gündən sonra Kiyevi bombalamağa başladılar. Biz bunun baş verəcəyinə inanmırdıq və düşünmürdük, Ukrayna təbii ki, bizim hərbi dəstəyimiz sayəsində güclü və uğurla müqavimət göstərməyə hazır oldu. Bunsuz mümkün olmazdı, amma ukraynalılar öz töhfələrini verdilər”, - Borrell bildirib.

Bununla belə,  Aİ-nin ali nümayəndəsinin sözlərinə görə, Aİ Putinin kütləvi səfərbərlik və nüvə təhdidlərini irəli sürə biləcəyinə inanmırdı.

“Düşünürəm ki, siz hamınız Putinin ilhaqı elan edərkən son çıxışını oxumusunuz. Bu çıxışı bütün Avropa vətəndaşları oxumalıdır, xüsusən də siz. Siz dünyaya onun Qərbə münasibətinin nə demək olduğunu və müharibənin əsl səbəblərini izah etməlisiniz”, - Borrell bildirib.