Marneulidə kənd tipli qəsəbə salınır - FOTO

Marneuli rayonunda məcburi köçkünlər üçün 31 yaşayış evindən ibarət kənd tipli qəsəbə inşa olunur.

InterPress.ge xəbər verir ki, layihə Gürcüstan və Almaniya hökumətlərinin birgə əməkdaşlığı sayəsində həyata keçirilir.

Bildirilir ki, qəsəbəyə illərdir yararsız binalarda yaşayan məcburi köçkün ailələri köçürüləcək.

Səhiyyə naziri, Ekaterine Tikaradze iş prosesini Almaniyanın Gürcüstandakı səfiri, Hubert Knirş ilə birlikdə gözdən keçirib.

Marneulidən başqa, bütün Gürcüstan miqyası ilə, məcburi köçkün ailələrinin mülkiyyətində olan torpaq sahələrində, əlavə olaraq 122 ev tikiləcək.