Mühafizə polisinin əməkdaşı polis tərəfindən saxlanılıb

Mühafizə polisinin kiçik inspektoru bıçaqla bir nəfərə ağır bədən xəsarətləri yetirib.

InterPress.ge xəbər verir ki, bu barədə  İstintaq xidməti məlumat verib.

Məlumata görə, 2023-cü il yanvarın 2-də Laqodexi bələdiyyəsinin Çiauri kəndində ailələrdən birinə qonaq gedən gənc  həmçinin qonaq olan şəxslə mübahisə edib və ona qarın nahiyəsindən bıçaqla ağır xəsarətlər yetirib.

Faktla bağlı Cinayət Məcəlləsinin 117-ci maddəsi ilə istintaq başlayıb. Artıq təqsirləndirilən şəxs barəsində həbs qətimkan tədbiri seçilib.

Günahı sübuta yetirilərsə, Mühafizə Polis İdarəsinin əməkdaşını 4 ildən 7 ilədək azadlıqdan məhrumetmə cəzası gözləyir.