Amerikada Gürcüstan vətəndaşı amansızcasına qətlə yetirilib

Amerikada, Nyu-Yorkda 42 yaşlı Gürcüstan vətəndaşı öldürülüb.

InterPress.ge xəbər verir ki, məlumatı Amerika mediası yayıb.

Onların məlumatına görə, qətlə səbəb qısqanclıq olub.

Yerli polisin məlumatına görə, cinayətkar Dmitri Lapko Gürcüstan vətəndaşına odlu silahla 6 dəfə atəş açıb, sonra isə soyuq silahla bıçaqlayıb.

Qətl küçədə baş verib. Mövcud məlumata görə, insidentdən əvvəl münaqişə baş verib.

Təcili yardım briqadası Levan Qaldavanı xəstəxanaya çatdırsa da, həkimlər onu xilas edə bilməyiblər. Polisin məlumatına görə, Dmitri Lapkonun tutulması istiqamətində araşdırmalar aparılır.