Rusiya Baş Qərargahı səfərbərliyin ikinci dalğasını planlaşdırmadığını açıqlayıb

"Rusiya Baş Qərargahı səfərbərliyin ikinci dalğasını planlaşdırmır, çünki könüllülərin və hərbçilərin hazırkı sayı xüsusi əməliyyatın tapşırıqlarını yerinə yetirmək üçün kifayətdir".

InterPress.ge xəbər verir ki, bu barədə Rusiya Silahlı Qüvvələri Baş Qərargahının Təşkilat və Səfərbərlik İdarəsinin rəisi Vladimir Tsimliansk məlumat verib.

“Sizi əmin etmək istəyirəm ki, Baş Qərargahın planlarına səfərbərliyin ikinci dalğası daxil deyil. Hazırkı çağırışçıların sayı və xüsusi əməliyyatda könüllü elan olunanların sayı qarşıya qoyulan məqsədləri yerinə yetirmək üçün kifayətdir”, - deyə o Rusiyada elan olunmuş yaz çağırışı ilə bağlı brifinqdə bildirib.

Onun sözlərinə görə, builki yaz çağırışı adi vaxt çərçivəsində, aprelin 1-dən iyulun 15-dək aparılacaq və ümumilikdə 18-27 yaşlı 147 min vətəndaş hərbi xidmətə çağırılacaq.