Ukrayna Belarus və Rusiya sərhəddində mövqelərini gücləndirir

 Ukrayna qüvvələri Belarus və Rusiya sərhədində müdafiə xətlərini və mövqelərini gücləndirmək üçün çalışır.

InterPress.ge xəbər verir ki, bu barədə
Ukrayna Müdafiə Nazirliyi bildirib.

“Belarus və Rusiya ilə həmsərhəd ərazilərdə mühəndislik maneələri genişləndirilir. Tank əleyhinə mina sahələrinin təşkili düşmənin ərazimizə dərindən soxulmaq üçün istifadə edə biləcəyi tankların çıxışı olan yerlərdə və marşrutlarda həyata keçirilir”, - Ukrayna Silahlı Qüvvələrinin birləşmiş qoşunlarının komandanı, general-leytenant Serxii Nayev bildirib. 

Onun sözlərinə görə, ötən həftə Ukrayna mühəndis bölmələri bir neçə onlarla mina sahəsi yerləşdirib, bunun üçün onlar 6 mindən çox tank əleyhinə minadan istifadə ediblər.