Türkiyə və Rusiya prezidentləri arasında telefon danışığı baş tutub

Türkiyə prezidenti Rəcəb Tayyib Ərdoğan və Rusiya prezidenti Vladimir Putin arasında telefon danışığı baş tutub. 

InterPress.ge xəbər verir ki, bu barədə Türkiyənin “Daily Sabah” nəşri Türkiyə prezidentinin kommunikasiya məsələləri şöbəsinə istinadən yazır.

Xəbərə görə, Ərdoğan Rusiyanın Türkiyənin Mersin şəhərində atom elektrik stansiyasının tikintisinə verdiyi töhfəyə görə Putinə təşəkkür edib.

Məlumata görə, söhbət zamanı Türkiyə-Rusiya münasibətləri və regional məsələlər də müzakirə olunub.

“Söhbət zamanı o, Rusiya-Ukrayna müharibəsi və taxıl müqaviləsini də müzakirə edib. Prezident Ərdoğan bildirib ki, təklif olunan işçi qrupu vasitəsilə yeni təşəbbüslər reallaşa bilər. Suriyadakı cari hadisələrin də müzakirə edildiyi telefon danışığı zamanı prezident Putin prezident Ərdoğana tezliklə sağalmasını arzulayıb”, - deyə məlumatda bildirilir.