ÜST dünya miqyasında COVID-19-un pandemiya statusunu ləğv etdi
Ümumdünya Səhiyyə Təşkilatı dünya miqyasında COVID-19-un pandemiya statusunu ləğv edib.
InterPress.ge xəbər verir ki, bu barədə Ümumdünya Səhiyyə Təşkilatının baş direktoru Tedros Adhanom Qebreyesus brifinq zamanı bildirib.
Onun sözlərinə görə, qurumun Xüsusi Hallar Komitəsi ona səhiyyə sahəsində qlobal fövqəladə vəziyyətin sona çatdığını elan etməyi tövsiyə edib və o, bu təklifi qəbul edib.
Eyni zamanda o qeyd edib ki, COVID-19 tam yoxa çıxmayıb.
“Hazırda dünyada minlərlə insan reanimasiyadadır, milyonlarla insan COVID-19-un nəticələri ilə yaşayır. Virus bitməyib, ancaq azalır və mutasiya edir. Hələ də yeni variantların ortaya çıxması riski var”, - Qebreyesus bildirib.
Ümumdünya Səhiyyə Təşkilatının məlumatına görə, kütləvi peyvənddən və yeni, daha az ölümcül ştammların yaranmasından sonra ölüm hallarının sayı kəskin şəkildə azalıb: əgər 2021-ci ilin yanvarında dünyada COVID-19-dan həftədə təxminən 100 min insan ölübsə, 2023-cü ilin aprelində - 3,5 min nəfər öldü. Ölüm hallarının azalması 2022-ci ilə qədər profilaktik tədbirlərin əksəriyyətini ləğv etməyə imkan verib. ÜST-nin məlumatlarına görə, son üç il və bir neçə ayda 20 milyona yaxın insan bu xəstəliyin qurbanı olub. Bu, bu və ya digər şəkildə infeksiya ilə bağlı bütün ölümlərin qiymətləndirilməsinə aiddir.
