Telefonlara reklam mesajları artıq əvvəlcədən razılıq olmadan göndərilməyəcək

Reklam mesajları artıq əvvəlcədən razılıq olmadan göndərilməyəcək. Bu, fərdi məlumatların mühafizəsi haqqında yeni qanunun nəzərdə tutduğu yeniliklərdən biridir.

InterPress.ge xəbər verir ki, bununla bağlı "Beynəlxalq Şəffaflıq- Gürcüstan" məlumat yayıb.

Təşkilat qeyd edib ki, şəxs istənilən halda reklam mesajlarının göndərilməsinə razılıq verməkdən imtina edə bilər. Müraciəti aldıqdan sonra 7 iş günü ərzində məlumat emalçısı şəxsin məlumatlarının işlənməsini dayandırmağa borclu olacaq. Qanundakı bu yenilik 2024-cü il martın 1-dən qüvvəyə minəcək.

Yeni qanuna əsasən, 2024-cü il iyunun 1-dən hər hansı dövlət qurumu, eləcə də bəzi özəl şirkətlər şəxsi məlumatların mühafizəsi üzrə məsul şəxsə malik olmağa məcbur olacaq.