Sərhədi qanunsuz olaraq keçməyə çalışan üç nəfər saxlanıldı

Daxili İşlər Nazirliyinin sərhəd polisi, patrul polisi və Maliyyə Nazirliyinin Gəlirlər Xidmətinin Gömrük İdarəsinin əməkdaşları birgə keçirdikləri əməliyyat-istintaq tədbirləri nəticəsində sərhədi qanunsuz keçməyə cəhdlə bağlı 3 nəfəri saxlayıblar.

InterPress.ge xəbər verir ki, bu barədə Gürcüstan Sərhəd Polisi məlumat yayıb.

Qurumun məlumatına görə, cinayətlər 4 ildən 8 ilə qədər azadlıqdan məhrumetmə ilə cəzalandırılır.

İstintaqla müəyyən edilib ki, Türkiyə Respublikasının vətəndaşı, 1976-cı il təvəllüdlü V.K., yük avtomobilinin xüsusi gizlətmə yerində pasport nəzarətindən yayınmaqla, Türkiyə Respublikasının vətəndaşı 1988-ci il təvəllüdlü E.O. və Özbəkistan Respublikası vətəndaşı 1994-cü il təvəllüdlü Z.A.-nı qanunsuz olaraq sərhəddən keçirməyə cəhd edib.

İstintaq Gürcüstan Cinayət Məcəlləsinin 19-344-cü maddəsinin ikinci hissəsinin “b” bəndinə və 19-344-cü maddəsinin ikinci hissəsinin “a” bəndinə əsasən aparılır.