Brüsseldə Nikol Paşinyanla İlham Əliyev arasında görüş keçiriləcək

İyulun 15-də Brüsseldə Azərbaycan prezidenti İlham Əliyev, Ermənistanın baş naziri Nikol Paşinyan və Avropa İttifaqı Şurasının prezidenti Şarl Mişel arasında üçtərəfli görüş keçiriləcək.

InterPress.ge xəbər verir ki, bu barədə Nikol Paşinyan iyulun 13-də hökumətin iclasında məlumat verib.

“Mən artıq bu görüşdə iştirakımı təsdiqləmişəm. Ümid edirəm ki, görüş zamanı sülh müqaviləsi danışıqlarında irəliləyiş əldə olunacaq”, - Paşinyan bildirib.

Onun sözlərinə görə, iyulun 12-də Ermənistan və Azərbaycan sərhədində Azərbaycanla Ermənistan arasında dövlət sərhədinin delimitasiyası və sərhəd təhlükəsizliyi üzrə dövlət komissiyalarının dördüncü iclası keçirilib.