Gürcüstanda hava şəraitinin dəyişəcəyi gözlənilir

İyulun 16-17-də Gürcüstanın əksər rayonlarında yağış yağacağı, bəzi yerlərdə intensiv olacağı, Şərqi Gürcüstanın bəzi rayonlarında dolu düşəcəyi gözlənilir.

InterPress.ge xəbər verir ki, bu barədə Milli Ətraf Mühit Agentliyi məlumat yayıb.

Onların məlumatına görə, iyulun 15-i günün ikinci yarısından 18-i səhərədək güclü qərb küləyi əsəcək. Dənizdə 3-4 bal gücündə fırtına gözlənilir.

 "Gözlənilən güclü yağışlar Gürcüstan çaylarında daşqınlara, ölkənin dağlıq ərazilərində sürüşmə-daşqın proseslərinin başlanmasına və aktivləşməsinə səbəb ola bilər", - məlumatda qeyd olunub.