Donetsk qubernatoru: "Rus işğalçıları Donetsk vilayətində kəndi bombalayıb"

Rus işğalçıları Donetsk vilayətində kəndi bombalayıb, 10 yaşlı oğlan və 16 yaşlı qız həlak olub. 

 InterPress.ge xəbər verir ki, bu barədə Donetsk vilayətinin qubernatoru Pavel Kirilenko şəxsi Telegram kanalında məlumat yayıb.

“Ruslar bu gün Donetsk vilayətində - Toretsk icmasının Drujba kəndində iki uşağı qətlə yetiriblər.

Günorta saat üç radələrində işğalçılar kəndi artilleriya atəşinə tutublar – mərmilərdən biri uşaqların olduğu həyətə düşüb – 10 yaşlı oğlan və 16 yaşlı qız- bacı və qardaş həlak olublar. 

Bundan əlavə, mərmi atışları zamanı həmin kənddə yaşlı qadın yaralanıb – o, xəstəxanaya çatdırılıb”, - Kirilenko yazıb.