Afrika İttifaqının sədri: "Biz taxıl məsələsinin həllini prioritet etməliyik - bu məsələni Putinlə müzakirə edəcəyik"
Afrika ölkələri taxıl sazişini bərpa etməyə ümid edir və bu imkanı Rusiya prezidenti Vladimir Putinlə müzakirə etmək istəyir.
InterPress.ge xəbər verir ki, bu barədə Afrika İttifaqının sədri Azali Asuman bildirib.
Onun sözlərinə görə, qeyd olunan məsələnin həlli Rusiya-Afrika sammitində prioritet məsələyə çevrilməlidir.
“Taxıl sazişinin dayandırılmasının nəticələri sosial-iqtisadi məsələlər baxımından bütün dünyaya, xüsusilə Afrikaya təsir edir və biz bu məsələnin həllini prioritet etməliyik. Biz bu məsələni Putinlə müzakirə edəcəyik və bu razılaşmanın yenidən həyata keçirilməsini nəzərdən keçirəcəyik”, - deyə Afrika İttifaqının sədri bildirib.
Xatırladırıq ki, Sankt-Peterburqda Rusiya-Afrika sammiti bu gün açılacaq və 2 gün davam edəcək.
