Şovidə təbii fəlakət nəticəsində ölənlərin sayı 32 nəfərə çatıb

Raca-Leçxumi bölgəsinin Şovi kurortu ərazisində torpaq sürüşməsi nəticəsində ölənlərin sayı 32 nəfərə çatıb.

InterPress.ge xəbər verir ki, bu barədə Daxili İşlər Nazirliyi məlumat yayıb.

“Oni bələdiyyəsində, fəlakət bölgəsində axtarış-xilasetmə işləri davamlı olaraq davam edir. Hazırda təbii fəlakət bölgəsində 32 cəsəd tapılıb və bir nəfərin axtarışları aktiv şəkildə davam etdirilir. Tədbirə Daxili İşlər Nazirliyinin fövqəladə hallar xidmətinin bütün aidiyyəti bölmələri, o cümlədən ağır texnika, pilotsuz uçuş aparatları, üzən qurğular və bir qrup kinoloq cəlb olunub.

Xatırladaq ki, avqustun 3-də Şovidə torpaq sürüşməsi olub. Nəticədə 32 nəfər ölüb, 28 nəfər yaralanıb, 1 nəfərin axtarışı isə davam edir.