Avropa Komissiyasının sədri: "Ukraynanın, Qərbi Balkan ölkələrinin, Moldovanın və perspektivdə Gürcüstanın yeri Avropa İttifaqındadır"

"Avropa İttifaqı “2030+” ilinə qədər 30-dan çox dövlətin üzvlüyünə hazırlaşmalıdır və əgər bu, təşkilatın əsas razılaşmalarına dəyişiklikləri tələb edirsə, bunu etməlidir".

InterPress.ge xəbər verir ki, bu barədə Avropa Parlamentinin plenar iclasında Avropa Komissiyasının sədri Ursula fon der Leyen bildirib.

"Ukrayna, Qərbi Balkan ölkələri, Moldova və perspektivdə Gürcüstanın yeri Avropa İttifaqındadır, ona görə də təşkilat mövcud geosiyasi çağırışa cavab tapmalı və bu ölkələrin demokratik istəklərini dəstəkləmək üçün bir yol tapmalıdır", - deyə Ursula von der Leyen bildirib.