Almaniyada mağazalardan spirtli içki oğurlayan iki gürcü saxlanılıb

Almaniyanın Rosenheim şəhərində spirtli içki oğurlayan 37 və 32 yaşlı gürcülər saxlanılıb.

InterPress.ge xəbər verir ki, bu barədə Almaniya mətbuatı məlumat verib.

Məlumata görə, 2023-cü il oktyabrın 9-dan 17-dək Gürcüstan vətəndaşları Rosenheim rayonunun müxtəlif ərazilərində bir neçə mağazanı qarət edib, oradan bahalı spirtli içkilər oğurlayıblar.
 
Onlar 2023-cü il oktyabrın 17-də “Edeka” marketdən oğurluğa cəhd edərkən yaxalanıblar. Onlarla birlikdə daha bir 48 yaşlı ukraynalı da saxlanılıb.

Saxlanılan Gürcüstan vətəndaşları Rosenheim polisi tərəfindən cəzaçəkmə müəssisəsinə aparılıb.