Gürcüstanda koronavirusa yoluxanların sayı artmaqda davam edir

Gürcüstanda yeni növ koronavirusa (COVID-19) son 24 saat ərzində 15 yeni yoluxma halı qeydə alınıb.

InterPress.ge-nin xəbərinə görə, bu barədə Gürcüstan hökumətinin koronavirusla mübarizə çərçivəsində yaratdığı xüsusi internet saytında bildirilib.

Bununla da ölkədə virusa yoluxanların sayı 1336 nəfərə çatıb.

Sağalanların sayına gəldikdə isə, sağalma sayı dünən olduğu kimi 1088 nəfərdir.

Eyni zamanda qeyd olunub ki, koronavirus səbəbi ilə 7597 nəfər karantində saxlanılır.

Qeyd edək ki, koronavirus səbəbi 17 nəfər vəfat edib.

Xatırladaq ki, Gürcüstanda yeni növ koronavirusa ilk yoluxma halı fevralın 26-da təsdiqlənib.