Tayvanda baş verən güclü zəlzələ nəticəsində ölən və yaralananların sayı artıb

Tayvanda baş verən güclü zəlzələ nəticəsində azı 9 nəfər ölüb, 900-dən çox insan yaralanıb və 50 nəfər itkin düşüb.

InterPress.ge xəbər verir ki, yanğınsöndürənlərin məlumatına görə, Hualien şəhəri yaxınlığındakı tunellərdə sıxışıb qalan 70-ə yaxın insan artıq təxliyə edilib, lakin 4 mikroavtobusda 50 nəfərlə əlaqə kəsilib.

Xilasedicilər axtarışları indiyədək davam etdirirlər.

Xatırladırıq ki, Tayvanın şərq sahillərində 7,4 bal gücündə zəlzələ baş verib. Tayvanın rəsmi agentliyinin məlumatına görə, bu, son 25 ildə adada baş verən ən güclü zəlzələdir.