Sergey Lavrov Çinə səfər edəcək

Rusiyanın xarici işlər naziri Sergey Lavrov sabah Çinə səfər edəcək.

InterPress.ge xəbər verir ki, bu barədə Rusiya Xarici İşlər Nazirliyi məlumat yayıb.

Nazirlikdən verilən məlumata görə, səfər çərçivəsində Lavrovun çinli həmkarı Vanq Yi ilə danışıqlarında ikitərəfli əməkdaşlıq məsələləri ilə yanaşı, Ukrayna böhranı və Asiya-Sakit okean regionu kimi “qaynar mövzular” da müzakirə olunacaq.

Reuters agentliyinin mart ayında verdiyi xəbərə görə, Rusiya prezidenti Vladimir Putin may ayında Çinə səfər edərək prezident Si Cinpinlə görüşəcək və bu, Putinin vəzifəyə gəldikdən sonra ilk xarici səfəri olacaq.