Vladimir Putin beşinci dəfə prezident kimi and içib

Rusiyanın paytaxtında Vladimir Putinin 5-ci andiçmə mərasimi keçirilir.

InterPress.ge xəbər verir ki, Vladimir Putin bir neçə dəqiqə əvvəl prezident andı içib.

İnauqurasiyanın əsas tədbiri Kreml sarayında keçirilir. And içməzdən əvvəl Kremlin baş meydanında hərbi marş təşkil olunub, daha sonra Rusiya Patriarxı Kirill prezidentə xeyir-dua verib.

Məlumata görə, Avropa İttifaqı ölkələrinin əksəriyyəti Putinin Rusiya Federasiyasının prezidenti kimi andiçmə mərasimində iştirak etmir. İnauqurasiyada ABŞ, Böyük Britaniya və Kanadanın nümayəndələri iştirak etmirlər.

Ölkənin Mərkəzi Seçki Komissiyasının məlumatına görə, martda keçirilən prezident seçkilərində Vladimir Putin 87 faiz səslə qalib gəlib.