Rusiyanın Ermənistandakı səfiri məsləhətləşmələr üçün Moskvaya çağırılıb

Rusiya Federasiyasının Ermənistan Respublikasındakı fövqəladə və səlahiyyətli səfiri Sergey Kopirkin məsləhətləşmələr üçün Moskvaya çağırılıb.

InterPress.ge xəbər verir ki, bu barədə Rusiya Federasiyası Xarici İşlər Nazirliyinin sözçüsü Mariya Zaxarova bildirib.

Lakin Rusiya Xarici İşlər Nazirliyi səfirin çağırılmasının səbəbini açıqlamır.

Qeyd edək ki, bundan əvvəl Ermənistanın baş naziri Nikol Paşinyan Kollektiv Təhlükəsizlik Müqaviləsi Təşkilatına üzv dövlətlərin 2020-ci ildə Qarabağda baş verən hərbi münaqişə zamanı Azərbaycana yardım etdiyini bildirib. Söhbət iki KTMT ölkəsindən getdiyini qeyd etsə də, bu dövlətlərin adını çəkmədi.