Kanada Ukraynaya əlavə olaraq 38,1 milyon dollar ayıracaq

Kanada Ukraynaya əlavə olaraq 38,1 milyon dollar yardım ayıracaq.

InterPress.ge xəbər verir ki, Kanadanın baş naziri Castin Trüdo bu barədə İsveçrədə keçirilən Ukrayna Sülh Sammitində bildirib. 

Kanadanın yardım paketindən təxminən 10,9 milyon dollar müharibədən zərər çəkmiş uşaq və yeniyetmələrə dəstək olmaq, müharibə cinayətlərinin qurbanlarına kömək etmək üçün ayrılacaq. 

Rusiyanın hücumları nəticəsində zədələnmiş enerji avadanlığının və infrastrukturun bərpasına 14,5 milyon dollar ayrılacaq.

Həmçinin, Ukraynaya lazımi texniki yardım və təlim almasına kömək etmək üçün Beynəlxalq Valyuta Fonduna dəstək üçün 11,2 milyon ABŞ dolları ayrılacaq. 1,5 milyon ABŞ dolları Beynəlxalq Atom Enerjisi Agentliyi vasitəsilə Ukraynadakı nüvə obyektlərinin təhlükəsiz istismarı üçün istifadə olunacaq.