Avropa İttifaqı Ukrayna və Moldova ilə üzvlük danışıqlarına rəsmən başlayır

Avropa İttifaqı bu gün Ukrayna və Moldova ilə üzvlük danışıqlarına rəsmən başlayacaq.

InterPress.ge xəbər verir ki, Adıçəkilən ölkələrlə üzvlük danışıqları bu gün Lüksemburqda keçiriləcək Avropa İttifaqının hökumətlərarası konfransları ilə açılacaq.

Aİ-nin genişlənmə siyasətində hökumətlərarası konfrans namizəd ölkə ilə Aİ ölkələrinin hökumətləri arasında aparılan danışıqlardır və burada Aİ-yə üzvlük müqaviləsinin müddəaları müzakirə edilir və razılaşdırılır.

Hökumətlərarası konfransda Avropa tərəfi gələcək danışıqların əsasına çevriləcək və onun məzmununu, formatını və qaydasını müəyyən edəcək danışıqların çərçivəsini təqdim edəcək.