Viktor Orban Moskvaya gedib

Macarıstanın baş naziri Viktor Orban Moskvaya gedib.

InterPress.ge xəbər verir ki, bu barədə Orbanın mətbuat xidməti məlumat yayıb.

Mətbuat xidmətinin məlumatına görə, Rusiya prezidenti Vladimir Putinlə görüş planlaşdırılır.

Orbanın özü sosial şəbəkədə səfərlə bağlı "Kiyevdən sonra Moskva. Sülh missiyasının ikinci dayanacağı" şərhi ilə yazı dərc edib.

Bundan əvvəl mediada Orbanın bu gün Putinlə görüşəcəyi xəbəri yayılmışdı. “Financial Times” mənbələrə əsaslanaraq yazır ki, Orban Ukrayna və Rusiya arasında vasitəçi kimi çıxış etmək niyyətindədir. 

Qeyd edək ki, Orban bu həftə Kiyevə səfər edib. Bu, onun 2012-ci ildən bəri Ukraynanın paytaxtına ilk səfəri idi. Səfər zamanı o, Ukrayna prezidenti Vladimir Zelenskiyə Rusiya ilə sülh danışıqlarını sürətləndirmək üçün atəşkəs rejimini nəzərdən keçirməyi təklif etdiyini bildirib.

Avropa Şurasının sədri Şarl Mişel bir daha Orbana xatırladıb ki, Rusiya təcavüzkar, Ukrayna isə qurbandır. O bildirib ki, rotasiya edən sədrin Aİ adından Rusiya ilə əlaqə qurmaq mandatı yoxdur.

Xatırladırıq ki, Macarıstan iyulun 1-dən Avropa İttifaqı Şurasına sədrlik edib.