Rusiyanın Ukraynaya raket hücumu nəticəsində ölənlərin sayı 37 nəfərə çatıb

Rusiyanın Ukrayna ərazisinə endirdiyi raket zərbələri nəticəsində ölənlərin sayı 37-yə çatıb, 170 nəfər yaralanıb.

InterPress.ge xəbər verir ki, bu barədə Ukrayna mətbuatı ölkə prezidenti Vladimir Zelenskiyə istinadən yazır.

Prezidentin sözlərinə görə, 3-ü uşaq olmaqla azı 37 nəfər həlak olub, 170 nəfər yaralanıb. Xəsarət alanlar arasında 13 uşaq da var.

Bundan əlavə, Ukrayna Fövqəladə Hallar üzrə Dövlət Xidmətinin məlumatına görə, xilasedicilər 19 nəfəri xilas edə biliblər.