Xüsusi İstintaq Xidməti “Mtavari Arxi” kanalının jurnalist və operatoruna qarşı zorakılıq faktı üzrə iki nəfəri həbs edib

Xüsusi İstintaq Xidməti tərəfindən həyata keçirilmiş əməliyyat-istintaq tədbirləri nəticəsində əldə edilmiş sübutlar əsasında “Mtavari Arxi” kanalının jurnalistinə və operatoruna qarşı təqib və zorakılıq faktına görə 2 nəfər həbs edilib.

InterPress.ge xəbər verir ki, Bu barədə məlumatı Xüsusi İstintaq Xidməti yayıb.

Məlumata əsasən, cinayət üç ilədək azadlıqdan məhrumetmə ilə cəzalandırılır.

“Aparılmış istintaq müəyyən edib ki, 2024-cü il iyulun 25-də səhər saatlarında “Mtavari Arxi” televiziya şirkətinin jurnalisti Vladimir Menabde və operator Manuçar Xavanadze reportaj hazırlayarkən Lançxuti bələdiyyəsinin Supsa kəndində jurnalist fəaliyyəti ilə məşğul olarkən, təqsirləndirilən V.İ. onlara qarşı şifahi və fiziki təzyiq göstərib. Eyni zamanda jurnalist V.İ.-nin qardaşı A.İ. tərəfindən fiziki təzyiqə məruz qalıb, o, onun baş və üz nahiyəsinə bir neçə yumruq zərbəsi endirib, nəticədə Vladimir Menabde fiziki ağrılar keçirib və dodaq nahiyəsindən xəsarət alıb. A.İ., həmçinin “Mtavari Arxi” teleşirkətinin videokamerasını zədələyərək, jurnalisti və operatoru şifahi təhqir edib.

Xüsusi İstintaq Xidmətinin əməkdaşları tərəfindən 26 iyul 2024-cü il tarixdə rayonun Supsa kəndində yaşayan vətəndaşlar V.İ. və A.İ. , Cinayət Məcəlləsinin 156-e maddəsinin 2-ci hissəsinin “A” bəndində nəzərdə tutulmuş, şəxsin peşə fəaliyyəti ilə əlaqədar cinayət məsuliyyətinə cəlb edilməsini nəzərdə tutan cinayətə görə həbs edilib.”- deyə məlumatda qeyd olunub.