Kaxetidə gənc qız qaçırılıb

Bu gün səhər saatlarında Kaxetinin Qabal kəndindən 23 yaşlı qız qaçırılıb.

InterPress.ge xəbər verir ki, qaçırılan qızın qohumu “Azadlıq” radiosuna danışıb və qaçıranların zor tətbiq etdiyini bildirib: 

"Dörd nəfər idi, qızı döyərək maşına mindirdilər. Qız da, nənəsi də müqavimət göstərsə də, heç nə edə bilməyiblər. Qız da, nənə də yaralanıb. Avtomobilin modeli və nömrəsi bizə məlumdur. Biz də polisə məlumat verdik, lakin onların yerini tapa bilmədilər. Biz öz səylərimizlə maşının ehtimal olunan yerini öyrəndik. Bunu polisə də bildirdik. Biz hələ də polisdə dindirilirik."

Polis hazırda qaçırılan qızı axtarır. Faktla bağlı Cinayət Məcəlləsinin 143-cü (qanunsuz azadlıqdan məhrum etmə) maddəsi ilə istintaq başlayıb.