Marneuli-Tbilisi yolunda ağır yol qəzası baş verdi - FOTO

Marneuli-Tbilisi avtomagistralının Marabda kəndi ərazisində ağır yol-nəqliyyat hadisəsi baş verib.

InterPress.ge xəbər verir ki, hadisə zamanı iki yük maşını toqquşub.

Məlumata əsasən, yolda hərəkət zamanı yük maşınlarından bir idarəetməni itirərək qarşıdan gələn digər yük maşını ilə toqquşub. Toqquşma zamanı hər iki yük maşını yoldan aşıb və Marneulinin girişində güclü tıxac yaranıb.

Hadisə yerinə Daxili İşlər Nazirliyinin yol patrul xidmətinin əməkdaşları və təcili tibbi yardım brigadası cəlb olunub. Yaralılar barədə hər hansı bir məlumat yoxdur. Faktla bağlı araşdırma aparılır.