Bankı soymağa çalışan şəxs saxlanıldı

Abaşanın mərkəzində bank oğurluğuna cəhd ittihamı ilə 1 nəfər saxlanılıb.

InterPress.ge xəbər verir ki, bu barədə Daxili İşlər Nazirliyi məlumat yayıb.

Nazirliyin məlumatına görə, təqsirləndirilən şəxs hadisədən bir neçə saat sonra saxlanılıb.

Faktla bağlı Cinayət Məcəlləsinin 19-177-ci (oğurluğa cəhd) maddəsi ilə araşdırma aparılır. 

Xatırladırıq ki, gecə saatlarında Abaşa şəhərinin mərkəzində  “Kristal Bank”a  hücum edən şəxs giriş qapısından banka daxil ola bilib. Mövcud məlumata görə, o, bankın inventarını, o cümlədən televizor və kompüterləri sındırıb.Svarka aləti ilə açmağa çalışdığı anbarı açmağa nail ola bilməyib.