Gürcüstan vətəndaşı Almaniyada qətl törədib

Gürcüstan vətəndaşı Almaniyanın Bremen şəhərində 40 yaşlı kişini öldürməkdə ittiham olunaraq saxlanılıb.

InterPress.ge xəbər verir ki, məlumatı yerli hüquq-mühafizə orqanı yayıb.

Polisin məlumatına görə, qətli sentyabrın ortalarında 28 yaşlı gürcü törədib. Onların məlumatına görə, o, öldürülən şəxsin yaxın çevrəsindəndir.

Almaniya polisi dünən gürcünün həbsi üçün order verib. İndiki mərhələdə Bremen prokurorluğu əlavə təfərrüatlar açıqlamayıb.