Etiraz davam edir - Rustaveli prospektində gərginlik yaşanıb

Rustaveli prospektində vətəndaşların etirazı davam edir.

InterPress.ge xəbər verir ki, aksiya iştirakçıları avtomobil yolunu bağlayıblar.

Bundan əvvəl Rustaveli prospektində yerləşən polis əməkdaşları vətəndaşlara yolu bağlamağa imkan vermirdi. Patrul polisinin nümayəndələri bildirirdilər ki, yolun bağlanması üçün lazımi qədər iştirakçı yoxdur.

Etirazçılar yolu bağladıqdan sonra polis onlara izah edib ki, yolun bağlanmasına görə cərimələniblər və sabah evlərinə 5000 lari məbləğində cərimə bildirişi göndəriləcək.

Polis aksiya iştirakçılarına yolun hərəkət hissəsini tərk etməyi tövsiyə edir. Aksiya iştirakçıları isə “Hər yerdə polis, heç yerdə ədalət!” şüarını səsləndirirlər.