Gurcaani rayonunda 31 yaşlı kişi güllələnərək öldürülüb

Gurcaani bələdiyyəsinin Çumlax kəndində qətl hadisəsi baş verib.

InterPress.ge xəbər verir ki, yerli sakinlərin verdiyi məlumata görə, hadisə gecə saatlarında qeydə alınıb və 31 yaşlı Dimitri Cavaxişvili odlu silahla qətlə yetirilib.

İddialara görə, cinayətin səbəbi keçmişdə yaşanmış münaqişə və intiqam ola bilər.

Hadisə kəndin mərkəzində baş verib. Naməlum şəxs  kişiyə bir neçə dəfə atəş açaraq hadisə yerindən qaçıb. Atışma zamanı yaxınlıqda olan daha bir şəxs yaralanıb. Həkimin sözlərinə görə, ona zəruri tibbi yardım göstərilib və xəstəxanadan buraxılıb.

Faktla bağlı istintaq aparılır.