Ağır yol qəzası iki nəfərin ölümünə səbəb olub

Kobuleti-Batumi dolama yolunda baş verən yol qəzasında iki nəfər ölüb.

InterPress.ge xəbər verir ki, hadisə bu gün axşam saatlarında baş verib.

Hadisə şahidlərinin sözlərinə görə, iki avtomobil toqquşub, nəticədə bir nəfər hadisə yerində, digəri isə xəstəxanaya aparılarkən yolda dünyasını dəyişib.

Hadisə yerinə Daxili İşlər Nazirliyinin əməkdaşları və təcili tibbi yardım briqadaları səfərbər edilib. Faktla bağlı Cinayət Məcəlləsinin 276-cı maddəsi ilə araşdırma başlanılıb.