Gürcüstanda leysan yağışlar və dolu gözlənilir

4 maydan 5 may səhərinədək ölkənin şərq bölgəsində yağış, bəzi yerlərdə isə güclü yağış, şimşək, dolu və küləyin güclənməsi gözlənilir.

InterPress.ge xəbər verir ki, bu barədə Gürcüstanın Milli Ətraf Mühit Agentliyi məlumat yayıb.

Proqnozlaşdırılan yağıntılar səbəbilə çaylarda su səviyyəsinin əhəmiyyətli dərəcədə artması, kiçik çaylarda daşqınlar, həmçinin təpəlik və dağlıq ərazilərdə sürüşmə və sel proseslərinin baş verməsi ehtimal olunur. Mütəxəssislər təhlükə səviyyəsini orta hesab edirlər.