Dövlət Təhlükəsizliyi Xidməti bəyanat yayıb

Rusiya işğalçı qüvvələrinin nümayəndələri 3 Gürcüstan vətəndaşını Qori bələdiyyəsinin Xurvaleti kəndi yaxınlığında qanunsuz olaraq saxlayıblar. Onlardan biri artıq azad edilib və mərkəzi hökumətin nəzarətində olan ərazidədir, ikisi isə qanunsuz həbsdədir 

InterPress.ge xəbər verir ki, bu barədə Dövlət Təhlükəsizliyi Xidməti məlumat yayıb.

Onların sözlərinə görə, hadisə ilə bağlı məlumat daxil olan kimi Dövlət Təhlükəsizliyi Xidməti Avropa İttifaqının Monitorinq Missiyasını cəlb etməklə “qaynar xətt”i işə salıb.

“Məlumat dərhal Cenevrə Beynəlxalq Müzakirələrinin həmsədrləri və beynəlxalq tərəfdaşlarla paylaşılıb.

Qeyri-qanuni həbsdə olan Gürcüstan vətəndaşlarının tezliklə azad edilməsi üçün bütün mövcud mexanizmlər işə salınıb.

İşğalçı dövlət Gürcüstanın işğal olunmuş ərazilərində, eləcə də işğal xətti boyunca törədilmiş bütün dağıdıcı hərəkətlərə görə məsuliyyət daşıyır".