İyunun 14-dən İrəvandan Batumiyə dəmir yolu reysləri başlayacaq

Cənubi Qafqaz Dəmir Yollarının beynəlxalq reysi - İrəvan-Batumi-İrəvan iyunun 14-dən fəaliyyətə başlayacaq.

InterPress.ge xəbər verir ki, bu barədə Ermənistanın "News.am" nəşri yazır və qeyd edir ki, bu barədə razılıq mayın 20-də Cənubi Qafqaz Dəmir Yolları ilə Gürcüstan Dəmir Yolları nümayəndələri arasında keçirilən görüşdə əldə olunub.

Qatar İrəvandan ayın cüt nömrələrində, Batumidən isə tək nömrələrdə hərəkət edəcək. Səyahət vaxtı 16 saat olacaq.

İrəvan-Batumi-İrəvan dəmir yolu marşrutunun tətbiqi turistik təsirə malikdir və iyunun 14-dən oktyabrın 2-dək qüvvədə olacaq - bu müddət ərzində İrəvan-Tbilisi marşrutu ləğv ediləcək.

Bilet satışı yaxın vaxtlarda başlayacaq - onları həm Ermənistanın, həm Gürcüstanın əsas dəmir yolu vağzallarında, həm də onlayn rejimdə əldə etmək mümkün olacaq. Qiymətlər hələ məlum deyil.