“Gürcü Arzusu”nun mərkəzi ofisi yaxınlığında etiraz aksiyası keçirilir

“Gürcü Arzusu”nun mərkəzi ofisi yaxınlığında etiraz aksiyası keçirilir.

InterPress.ge xəbər verir ki, aksiya zamanı saxlanılanların ailə üzvləri və vətəndaş fəalları hadisə yerinə toplaşıb.

Aksiya iştirakçıları Gürcüstan və Avropa İttifaqının bayraqları və üzərində “Vicdan məhbuslarına azadlıq” yazısı olan və məhbusları dəstəkləyən plakatlar gətiriblər.

Nümayişçilərin sözlərinə görə, onlar vaxtaşırı müxtəlif yerlərdə aksiyalar keçirəcəklər, çünki onların məqsədi “Gürcü arzusu” üçün maksimum diskomfort yaratmaqdır.

Hadisə yerində bir neçə patrul polisi də var və polis “Gürcü Arzusu” ofisinin qarşısını mühasirəyə alıb.