Tbilisidə taksi sürücüsünün saxlanılması ilə bağlı DİN açıqlama yaydı - VİDEO

Sosial şəbəkələrdə Tbilisidə mülki geyimli polis əməkdaşlarının taksi sürücüsünü saxladığı görüntülər yayılıb.

InterPress.ge xəbər verir ki, Gürcüstanın Daxili İşlər Nazirliyinin məlumatına görə, videoda görünən şəxs ilkin olaraq yoxlama məqsədilə dayandırılıb, lakin o, polisdən qaçmağa cəhd edib və aqressiya göstərib.

Nazirliyin açıqlamasında qeyd olunur ki, şəxs polis əməkdaşlarının qanuni tələbini yerinə yetirmədiyi üçün inzibati qaydada saxlanılıb. Hazırda o, narkoloji müayinəyə yönləndirilib.

DİN ictimaiyyətə bildirib ki, bütün prosedurlar qanun çərçivəsində həyata keçirilib və vətəndaşın polisə qarşı göstərdiyi müqavimət onun saxlanmasına səbəb olub.