DİQQƏT: Lars yolunda nəqliyyat hərəkətinə məhdudiyyət tətbiq olunacaq

Beynəlxalq əhəmiyyətli Mtsxeta–Stepantsminda–Lars avtomobil yolunun km126–km130 hissəsində (Darial dərəsi) “Cavakhavtogoza” MMC tərəfindən qayalıq sahələrin təmizlənməsi işləri aparılacaq.

InterPress.ge xəbər verir ki, bu barədə Gürcüstan İnfrastruktur Nazirliyinin Avtomobil Yolları Departamenti məlumat verib.

Buna görə də, 2025-ci il 13 avqust tarixində saat 11:00-dan 18:00-dək qeyd olunan yol hissəsində qoşqulu və yarımqoşqulu nəqliyyat vasitələrinin hərəkəti məhdudlaşdırılacaq. Yüngül avtomobillərin hərəkəti isə periodik olaraq 30 dəqiqəlik intervallarla məhdudlaşdırılacaq.